KATROK NANG SINGAPUR

Awal Februari 2016 wingi pasan liburan Imlek, aku dolen nang Singapur. Tujuane dolen, nyambangi Masku sing jiktas ngelahirno. Eh salah, maksutku Masku nduwe anak anyar (anak anyar?? koyok opo ae). Lumayan long weekend trus ditambah cuti rong dino. Masku iki encen wis suwe urip nang Singapur. Ket jaman kuliahan mbiyen. Dadi kiro-kiro wis 13 tahunan. Dadi wis apal tetek bengek e Sing Ngecet. Eh Sing Ngapur maksudku.

Berangkat sore2 teko Cengkareng numpak Er Esia. Nyampe bengi2. Pirang-pirang dino sakdurunge, Masku wis ngandani aku lek ngko nang bandara Changi, gak onok sing mapak. Jare Masku dikongkon numpak MRT sampe stasiun Bukit Batok, trus ngko disusul. Soale Masku iki apartemen e nang Bukit Batok nggonane. Yo wis, tutuk Changi aku ngecembeng, bingung numpak MRT teko endi. Aku mudune nang Terminal 1. Pesene Masku, aku dikongkon tuku sim card ambek nuker duwek nang RHB Bank. Iku sih gampang, kari nakok satpam nggonane loket bank iku nang endi. Nuker duit beres. Trus aku tuku sim card. Tuku sim card ae lho dijaluki Paspor. Jarene seh nek tuku kartu nang Singapur encen kudu nggawe identitas koyok KTP utowo Paspor. Nah deloken nang endonesah talah, wong tuku sim card, gonta-ganti sim card sak karepe dewe, ga atek KTP KTP an. Yo wis mari oleh kartu, langsung tak enggo kartune. Enak ga atek diaktifno. Otomatis aktif. Ga koyok nang endonesah nek ngaktifno kartu biasane konter-konter hp sembarangan ngelebokno jeneng. Embuh jeneng kucinge embuh jeneng pitik e sing digawe. Pokoke iso aktif. Koen ngerti ga hal pertama sing taklakokno mari hpku kenek dienggo?? Apdet status Fesbuk! Iyo ngapdet status aku, cek ketok sangar wis tutuk Singapur. Taktulis ngene:

“ga ada yang jemput, terpaksa naek MRT, moga-moga ga katrok in Singapore at Changi International Airport”.

Ngerti ga mari ngunu dikomen opo ambek konco-koncoku. Macem-macem:

“nyasar gak takgoleki”

“ilang ga ono seng ngereken”

“nggowo kocomripat. Cek ga silau. Wong ‘e putih-putih, lha awakmu gelap #eh”

“OLEHOLEH. SOKLAT”

Wis embuh talah podo ngiri kabeh aku melancong nang Singapur wkwkwk #ge_er

Trus mari ngono aku bingung numpak MRT teko endi yo?? Aku ngertine seh kudu nduwe kartu ez-link kanggo numpak MRT.  Yo wis aku nakok bagian informasi. Sing njogo Mbak-Mbak sipit ambek situk maneh wong bule. Boso Enggres e cepet ngunu ambek logate ga biasane, aku dadi salah tangkep. Aku nangkepe kudu nang lantai 2 ga salah. Yo wis aku numpak lift nang lantai 2. Nemu koyok kantor ngunu, nang njerone ono tumpukan-tumpukan kartu. Pikirku yo iki bener nggonane tuku ez-link. Sing njogo Mbak-Mbak mirip SaruKan (embuh sarukan pasir ta sarukan lemah) Mbak-mbak e malah ngguyu taktakoki. Ketoki ngguyoni aku salah ngeja e. Sakjane mocone “izi ling” duduk “es ling”. Ketoke aku kakean ngising iki makane sampe keliru sebut. Trus jarene aku tuku kartu ez-link e nang lantai 1 maeng. Yo wis aku mbalik, trus nakok maneh ambek Mbak sing sipit maeng. Nah teko kunu aku baru mudeng lek aku dikongkon nang terminal 2 dhisik duduk nang lantai 2. Trus aku dadi tambah bingung. Sampe-sampe aku meragukan tentang fakta Tuhan menciptakan manusia. Wis taknelpon Masku ae. Nah jarene encen kudu nang terminal 2 dhisik numpak Sky Train. Aku dadi bingung, Sky Train iki panganan opo maneh yo?? Yo wis aku nang Sky Train. Owalah dadakan koyok sepur otomatis ngunu. Eh pas ape numpak aku ketemu mbak-mbak unyu jilbaban. Nakoki aku nek nang MRT kudu nang endi. Jarene seh teko Malaysia. Yo wis taksuduhno sing takngerti. Lumayan seh Mbak e, nyesel ga kenalan wkwkwkwk. Trus numpak Sky Train trus numpak MRT. Nang njero MRT yo ngunu kadang-kadang dideloki ambek wong-wong nang njero kunu. Palingan ga tego ndelok raiku sing melas ambek koyok wong bingung. Aku yo kaget ambek MRT ne. canggih ngunu. Sakdurunge aku wis nakoki Masku: “iki ngko transit oper sepur e kari pindah jalur koyok transit numpak Ka eR eL ngunu ta?” Jare Masku yo ngko deloken dewe. Eh trus eruh rupane MRT ambe cara transite, aku dadi isin maeng ngomong nang Masku lek MRT tak padakno ambek Ka eR eL wkwkwkwk. Adoh cak. Nggapleki. Adohe koyok adohe raiku ambek raine Al Ghazali, anake Ahmad Dhani. Mari ngunu akhire aku tutuk apartemen e Masku. Trus turu.

Hari ke berapa ngunu aku ambek Bapakku dijak Masku mangan Prata. Iku lho panganan khas India  sing koyok Martabak. Batinku: “halah paling rasane koyok martabak e Cak Shobirin cedak e omahku”. Eh dadak an seje, enak rasane, onok kuah gulene. Oh iyo lali. Pas budhale iku lak numpak bis. Yo wis aku  numpak e ga atek ngetap kartu ez-link. Trus sopire ngilingno lek aku durung ngetap kartu. Lha wong takpikir koyok numpak Kopaja ngunu, kari numpak trus ngko ono kornet e sing nagih duit. Ealah dadakan ga se ndeso iku. Wkwkwkw.

Nek nang Singapur iku ga afdol lek ga nang Merlion. Iku lho patung sing ndas e Singo trus awak e iwak. Yo wis aku mrunu dhisikan ambek Masku ambek Bapakku. Trus kari ngenteni Mbahku nang kunu. Oh iyo lali cerito lek Bapakku ambek Mbahku yo melu nang Singapur ndelok bayi, berangkat teko Suroboyo. Koen ngerti ga? Mbahku asline ga gelem nang Merlion. Ngerti ga alesane opo? Abot ninggalno pilem Uttaran. Iku lho pilem India sing nang A*TV. Ya Allah, batinku, larang-larang ditukokno tiket PePe malah mbelani nontok Uttaran. Wis karepmu talah. Tapi trus akhire Mbahku iso dibujuk gelem nang Merlion. Iki lho potone Mbahku nang Merlion:

Mbah in Merlion

Mbahku nang Merlion

Embuh posene kok iso koyok ngunu. Paling dipikire mandhi be e ndungo nang Merlion iku. (sepurane Mbah, putumu iki encen kurang ajar wkwkkw).

Yo wis ngunu dhisik rek ceritoku. Ngko nek ono cerito maneh taktulis nang blog iki. Iki lho taksuduhno potone kembarane Aliando:

asad in Merlion

Asad nang Merlion

Advertisements

8 responses to “KATROK NANG SINGAPUR

  1. Heeyyyy!! Onde-onde ketan ireng! Hahahaha
    Yo ngene lho timbange ribut dewe mending nulis nang blog! Terusno le!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s